شعر بقلم ®¢( عہےاقہي)¢®

هذا الشعر بقلم الاخ ®¢( عہےاقہي)¢®

انه بلياك ماعيش بعيوني احلفك منه تاخذ حذر
انا اطمئن يمك واذا تبتعد من كلشي انه احس بخطر
الليل يدري شكد احبك لان وياك عيني تستلذ بالسهر
اذبل لحد ما ترتوي بشوفتك جن سنيله الروح وعشرتك نهر

: تمطر ترافه واني اخضر غزل وبكاع جفي قلمي يطرح ثمر
لوراد ياخذني القدر كلي اله بس لا بيني وبينك يمر قدر
علمت روحي من زغر شوفتك رتك صدك تبقى نقش ع الحجر
الليل يدري شكد احبك لان وياك عيني تستلذ بالسهر

تشتاكلك عيني اذا سافرت مثل النوارس من تحن للبحر
انه شسوي بالنظر لو رحت من تمشي كلي حتى اضمه النظر
ما دور بحبك خساره وربح مافكر بكلبي ربح لو خسر
كل اليهمني اني احبك فقط حب لونه صافي ابيض من الكمر

طير انت من مر بسما دنيتي وكر عليه وعلى روحي استقر
يسكت غصن خلكي كبل لا تجي ينتظرك الريح التحرك الشجر
بلياك كلبي يصير مابي نفع شيفيد كلي الغيم البلا مطر
عيني الاشوفك بيه احس تختلف مو نفس عيني البيه اشوف البشر

مرات احجي صورتك ع الورق من اخلط احساسي وي لون الصور
امشي بحياتي وامعن بخطوتك حتى من اتيهك ع الاقل للكدر
انه من اعفوك جدمي يمشي بثكل ثكل الجدام الماله من السفر

عااااااااااااااااااشت الايااااااااااااااااااااادي على الكلمات الذهبيه .........دوم الابداع والتواصل ...تقبل مروري